این آر او منطرعام پر آنے کے بعد پوری دنیا پر یہ ثابت ہوگیاہے کہ مسلم لیگ(ن) کا دامن ہمیشہ صاف اور شفاف رہاہے ۔شیخ قیصر محمود
۹۲ نومبر بروز اتوار جاپان کے صوبے گنما میں پاکستان مسلم لیگ (ن) جاپان کے مرکزی سیکرٹری مالیات میاں جاوید اقبال کے یارڈ میں عیدالاضحی کے موقع پر شاندار عید ملن پارٹی کا اہتمام کیاگیاجس میں پاکستان مسلم لیگ (ن) کے مین الاقوامی امور کے سیکرٹری جنرل اور جاپان کے صدر شیخ قیصر محمود نے اپنی تما م کابینہ کے ساتھ شمولیت کی۔شیخ قیصر محمود کے ساتھ پاکستان مسلم لیگ(ن) جاپا ن کے سینئر نائب صدر ملک نور محمداعوان،مجلس عاملہ کے رکن شمس علی بٹ،رانا ابرار حسین،چوہدری نفیس احمد،قمر سوزوکی،چوہدری عنصر او ر دوسرے مسلم لیگی رہنما اور کارکنان جن میں حافظ شمس،مرزا عابد،اسحاق نشی،ملک ریاض، ناصر چیمہ،میاں محمد اکرم رکن مشاورتی کونسل اورچوہدری داﺅدکے علاوہ دور درآز سے مسلم لیگی کارکنوں نے شرکت کی۔روزنامہ جنگ ،اخبار جہاں اور جیو نیوز کے عرفان صدیقی، پاک جاپان نیوز اور پاک جاپان ٹی وی کے چوہدری شاہد، اردو نیٹ کے زبیراحمد ،عوام نیوز کے شیخ فیاض احمد ،پاک نیٹ جاپان کے سلیم شیرو اور جاپان انٹر نیشنل پریس کلب کے راشد صمد،اردو نیٹ جاپان کے ناصر ناکاگاوا نے بھی خصوصی شرکت کی۔عیدالاضحی کے موقع پر سنت ابرہیمی پر عمل کرتے ہوئے میاں جاوید اقبال کی طرف سے قربان کئے گئے بکروں کے تازہ گوشت سے تمام مہمانوںکی خاطر تواضع کی گئی۔تمام مہمان شام تک باربے کیو ،بالٹی گوشت ،سلاداور مشروبات سے لطف اندوز ہوتے رہے۔اس کے بعد چائے کے ادوار چلتے رہے۔ کھلے یارڈ میں سخت سردی کے باوجود پاکستان مسلم لیگ(ن)اور میاں نواز شریف ،میاں شہباز شریف اور شیخ قیصر محمود سے پیار کرنے والے کارکنوں کی بہت بڑی تعداد نے اس عید ملن پارٹی کو جاپان کی یادگار ترین عید ملن پارٹی بنادیا۔کھانے کے بعد چھوٹی سی تقریب کا اہتمام کیا گیاجس کی صدارت پاکستان مسلم لیگ (ن) کے بین الاقوامی امور کے سیکرٹری جنرل اور جاپا ن کے صدر شیخ قیصر محمود نے کی جو کہ اس عید ملن پارٹی کے مہمان خصوصی بھی تھے۔تقریب کا باقاعدہ آغاز تلاوت قرآن پاک سے حافظ شمس نے کیااور نعت رسول مقبول ﷺ امجد خان نے پڑھی۔جس کے بعد آج کی عید ملن پارٹی کے میزبان پاکستان مسلم لیگ (ن) جاپان کے مرکزی سیکرٹری مالیات میاں جاوید اقبال نے شیخ قیصر محمود ، ملک نور محمد اعوان اور تمام مہمانوں کاشکریہ ادا کرتے ہوئے کہا کہ آج کا دن سنت ابراہیمی ادا کرتے ہوئے اور دوردور سے آئے ہوئے تمام دوستوں کو دیکھتے ہوئے مجھے یہ کہنے میں بڑا فخر اور خوشی محسوس ہورہی ہے کہ پاکستان مسلم لیگ(ن) جاپان کو یہ اعزاز حاصل ہے کہ جب بھی اور جس موقعے پربھی چاہے وہ موقع خوشی کاہویاغم کا، ملک سنوارو قرض اتاروکا ،لانگ ماچ کا ہویاسوات فنڈکا، یا عید ملن پارٹی ہو پاکستان مسلم لیگ نواز کو چاہنے والے ہمیشہ اسی طرح جمع ہو کر اپنا پارٹی سے پیاراور محبت دکھاتے اور ثابت کرتے ہیں۔اس کے بعد مسلم لیگی رہنماراناابرار حسین جو کہ مجلس عاملہ کے رکن بھی ہیں نے اپنے مخصوص جوشیلے انداز میں مختصر خطاب کیا اورخوب داد وصول کی۔ راناابرار حسین نے کہا کہ ہم سب نے متحد ہو کر جاپان کے قائد شیخ قیصر محمودکی طاقت بنناہے ہم سب نے میاں محمد نواز شریف کی طاقت بنناہے کیونکہ میاں محمد نواز شریف کے سوا کوئی ایسا لیڈر نہیں جو ملک پاکستان کو ایشیاکاٹائگربنا سکے۔رانا ابرار حسین نے بڑے جوشیلے انداز میں کہا کہ وہ دن دور نہیں جب میاں محمدنواز شریف کی حکومت ہوگی اورپاکستان بھی جاپان کی طرح ایک ترقی یافتہ ملک ہوگا جہاں قانون کابول بالاہوگاجہاں عوام کے لیے روزگار ہوگا اور ہم سب بھی اپنے ملک پاکستان میں سکون کی ذندگی گزار سکیں گے۔ ملک نور محمد اعوان سینئر نائب صدر پاکستان مسلم لیگ (ن) جاپان جو کے لمبے دورے کے بعد جاپان واپس تشریف لائے ہیں نے خطاب کرتے ہوئے تمام دوستوں کا شکریہ ادا کیا کہ سب نے دور دور سے تشریف لاکر اس عید ملن پارٹی کو چار چاند لگادیے ۔ملک نور محمد نے اپنے دبئی اور پاکستان کے قیام کے دوران میاں محمدنواز شریف اور دوسرے پارٹی رہنماﺅں سے ملاقات کی تفصیلات سے آگاہ کیا اور میاں محمد نواز شریف کا پیغام پہنچایا۔میاں محمد نواز شریف نے شیخ قیصر محمود کو خراج تحسین پیش کرتے ہوئے ان کی پارٹی خدمات کو سراہا اور پاکستان مسلم لیگ (ن) کا سرمایہ قرار دیا۔
تقریب کے آخر میں مہمان خصوصی شیخ قیصر محمود نے میزبان میاں جاوید اقبال کواس کامیاب عیدملن پارٹی کا اہتمام کرنے پر مبارک باد دی اور سب دوستوں کا اس پارٹی میں شمولیت پر شکریہ ادا کیا۔میاں جاویداقبال کے یارڈ پر لانگ مارچ کے بینرز لگے ہوئے تھے جن پر لکھا ہوا تھا کہ ” ہم ملک کو بچانے نکلے ہیں۔۔۔ آﺅ ہمارے ساتھ چلو۔ جن کو دیکھ کر شیخ قیصر محمود نے کہا کہ مجھے اچھی طرح یاد ہے جب ہم جاپان سے لانگ مارچ کے لیے پاکستان گئے تھے اور وہاں کس طرح میاں محمد نواز شریف کے ساتھ پاکستانی عوام سڑکوں پر ملک بچانے کے لیے نکلے اور ہم سب نے واقعی ہی ملک کو بچایا۔ہم نے پاکستان کی عدلیہ کو آزاد کروایا۔شیخ قیصر محمود نے مزید کہا کہ ہمارے قائد میاں محمد نواز شریف نے ہمیشہ اصولوں کی سیاست کی ہے اور کبھی بھی چور راستے استعمال کرنے کی کوشش نہیں کی بلکہ اپنے اوپر لگے تمام جھوٹے الزامات کو پاکسان کی عدالتوںمیں جھوٹا ثابت کیا یہی وجہ ہے کہ آج این آر او سے فائدہ لینے والے آٹھ ہزار سے ذیادہ لوگوں میں پاکستان مسلم لیگ (ن) کا ایک بھی لیڈر شامل نہیں۔آج ملک کی عدلیہ آزاد ہے اور این آر او سے فائدہ اٹھانے والے لوگوں کااحتساب ہوگا۔ شیخ قیصر محمود نے مزید کہاکہ ہمیں اپنے قائدین پرفخر ہے کہ وہ عوام کے سامنے سرخ رو ہیں انہوں نے ہمیشہ پاکستان کی خاطر پاکستانی عوام کی خاطر سختیاں برداشت کیں ،جلاوطنی کاٹی لیکن کبھی اصولوں پر سودے بازی نہیں کی۔آج ہم پوری دنیا میں فخر سے سر اٹھا کر چل سکتے ہیں