پاکستان: استور (پیرانیوز):- مسلم لیگ نواز کے قائد میاں نواز شریف نے کہا ہےکہ گلگت بلتستان میں انتخابات منصفانہ اور شفاف ہونے چاہیں ۔ استور میں انتخابی جلسہ عام سے خطاب کرتے ہوئے ان کا کہنا تھا کہ گلگت بلتستان کو طویل عرصے سے نظر انداز کیا جاتا رہا ہے یہ سلسلہ ختم ہونا چاہیے ، انہوں نے پنجاب کے میڈیکل کالجوں میں گلگت بلتستان کے طلبہ کا کوٹہ دوگنا کرنے کا اعلان کرتے ہوئے دیگر تمام تعلیمی اداروں میں کوٹہ بڑھا نے کا اعلان کیا ۔ نواز شریف کا کہنا تھا کہ وہ ہر کام قومی فریضہ سمجھ کر کرتے ہیں کبھی مفاد پرستی کےلیے کام نہیں کیا ۔ ان کا کہنا تھا کہ انتخابات میں ان کی جماعت کامیاب ہوئی تو پسماندہ علاقوں کی بہتری کے لیے کام کیاجائے ۔