لاہور۔ پاکستان مسلم لیگ (ن) اوورسیز کے مرکزی سیکرٹری جنرل شیخ قیصرمحمود نے کہا ہے کہ این آراو برانڈحکمران پرویز مشرف کا احتساب نہیں کرسکتے۔ چور دروازے سے اقتدار میں آنے والے بدعنوان سیاستدانوں میں قومی مفادات کی حفاظت اوربیرونی دباﺅکامقابلہ کرنے کی صلاحیت نہیں ہوتی ۔ ڈیل اورمصلحت نے سیاست،جمہوریت اورمعیشت سمیت قومی حمیت کاجنازہ نکال دیاہے۔ اپنے ایک بیان میں شیخ قیصرمحمود نے مزید کہا کہ بعض بھتہ خور سیاستدان حق نمک اداکرنے کیلئے فوجی آمر پرویز مشرف کو احتساب سے بچانے کے درپے ہیں۔ پرویز مشرف ایک قومی مجرم ہے اوراس بارے میں کوئی دورائے نہیں ،اس نے ناصرف آئین توڑا بلکہ قومی یکجہتی کو بلڈوز کر نے کیلئے قوم میںنفاق کا بیج بھی بویا ۔ انہوں نے کہا کہ سیاسی قیادت نے ماضی میں کسی آمر کا احتساب کیا ہوتا توپرویز مشرف12اکتوبر99ءکو جمہوریت پر شب خون مارنے کی جسارت نہ کرتا۔ غلطیوں کو بار بار دہرانا دانش مندی نہیں حماقت اورجہالت ہے،پرویز مشرف کو چھوڑدیا گیا تواس بھیانک غلطی کا خمیازہ آنیوالی نسلیں بھگتیں گی۔ انہوں نے کہا کہ وفاقی حکوت عدالت عظمیٰ کے فیصلے کی روشنی میں آئین کے آرٹیکل 6 کے تحت پرویزمشرف کے احتساب کویقینی بنائے اوراگر دباﺅمیں آکرایسا نہیں کرناتوپھرآرٹیکل 6ختم کردیا جائے۔ انہوں نے کہاکہ مسلم لیگ (ن) نے فوجی آمر کے احتساب کا بیڑا اٹھا رکھا ہے۔ یہ واحد قومی جماعت ہے جو کسی قیمت پر اپنے موقف سے پیچھے نہیں ہٹے گی۔ انہوں نے کہ پرویز مشرف کی حامی کوئی سیاسی جماعت ملک و قوم کے ساتھ مخلص نہیں ہو سکتی ۔ جمہوریت کی مضبوطی اورپارلیمنٹ کی بالادستی کیلئے فوجی آمر کا ٹرائل ضروری ہے۔