لاہور ۔ وزیراعلیٰ پنجاب کے معاون خصوصی وممبر قومی اسمبلی ملک محمدافضل کھوکھر نے کہا ہے کہ امریکہ نے بیگناہ ڈاکٹر عافیہ کوناحق قید کررکھا ہے ۔ڈاکٹر عافیہ کے ساتھ دوران قید ناروا برتاﺅپرانسانی حقوق کانام نہاد علمبردارمغرب کیوںخاموش ہے۔بیگناہ ڈاکٹر عافیہ کے معاملے میںامریکہ کی انصاف پسندی کابھانڈا پھوٹ گیا ،پاکستان کی بیگناہ بیٹی کورہاکیا جائے۔پاکستان سمیت دنیا بھر میں ڈاکٹر عافیہ کے حق میں ہونیوالے احتجاجی مظاہرے امریکہ کی عدالت کے فیصلے پرعدم اعتماد ہے ۔اپنے ایک بیان میں ملک محمدافضل کھوکھر نے مزید کہاکہ ڈاکٹر عافیہ کیخلاف انتقامی کاروائی امریکہ کے زوال کی بنیاد بنے گی ۔امریکہ کواپنا فیصلہ بدلنا ہوگاورنہ اس کیخلاف نفرت مزیدبڑھ سکتی ہے۔انہوں نے کہا کہ میاں نوازشریف نے ایک ملاقات میں امریکہ کے رچرڈ ہالبروک کو ڈاکٹر عافیہ کی آبرومندانہ رہائی کیلئے پاکستان کے سترہ کروڑعوام کے جذبات سے آگاہ کیا ۔ امریکہ زیادہ دیرتک بیگناہ ڈاکٹر عافیہ کوقید میں نہیں رکھ سکتا ، دوران قید جسمانی اوردماغی تشدد برداشت کرنے والی بیگناہ ڈاکٹر عافیہ کاصبر رائیگاں نہیں جائے گا۔انہوں نے کہا کہ پاکستان کے عوام کی دعائیں اپنی بہن اوربیٹی ڈاکٹر عافیہ کے ساتھ ہیں ،اللہ کے فضل سے وہ بہت جلد رہاہوکرپاکستان واپس آئیں گی ۔مسلم لیگ (ن) کے قائدین ڈاکٹر عافیہ کی رہائی کیلئے ہرفورم پرآوازاٹھاتے رہیں گے ۔