لاہور۔ پاکستان مسلم لیگ ن کے مرکزی رہنما اور این اے123سے نامزد امیدوار محمد پرویز ملک نے کہا ہے کہ ترقیاتی فنڈز کے درست استعمال کویقینی بناﺅں گا،ایک پائی کا ضیاع بھی برداشت نہیں کریں گے۔این اے 123میںپوش سے زیادہ پسماندہ آبادیوں کی تعمیروترقی کیلئے کام کر نے کی ضرورت ہے۔عوام کوصحت کی بنیادی سہولیات فراہم کرنے کیلئے این اے123میں زیادہ سے زیادہ فری ڈسپنسریاں قائم کی جائیں گی ۔خادم پنجاب میاں شہبازشریف نے وسائل کارخ پسماندہ آبادیوں کی طرف موڑرکھا ہے ۔این اے123کے عوام کااحساس محرومی دورکرنامیرا فرض ہے اورمیں اس میں کسی قسم کی کوتاہی برداشت نہیں کروں گا ۔وسائل عوام کی امانت ہیں ،اس میں خیانت کرنے والے کومعاف نہیں کریں گے۔وہ شاد باغ میں مختلف مقامات پراجتماعات سے خطاب کررہے تھے ۔صوبائی وزیر میاں مجتبیٰ شجاع الرحمن ،ممبر پنجاب اسمبلی چودھری شہبازاحمداورحافظ کامران کفیل نے بھی خطاب کیا ۔محمد پرویز ملک نے مزید کہا کہ ہمارا عوام کے ساتھ محبت اور خدمت کامضبوط رشتہ ہے ،عوام کے دکھ سکھ میں شریک ہونابھی ایک عبادت ہے ۔ہم اپنے عوام دوست سیاسی پروگرام کی بنیاد پراین اے123کے معرکے میں کامیاب ہو ں گے۔انہوں نے کہاکہ پنجاب میں مسلم لیگ (ن) کی حکومت ہے ،مجھ سے بہتر عوام کے مسائل کوئی اورحل نہیں کراسکتا۔خادم پنجاب میاں شہبازشریف حقوق سے محروم طبقات کے سچے ہمدرد ہیں ،انہوں نے این اے123کوایک ماڈل حلقہ بنانے کاجووعدہ کیا وہ ضروروفاہوگا۔ دریں اثناءمحمد پرویز ملک نے شادباغ کی مختلف آبادیوںمیں 41 انتخابی دفاتر کاافتتاح کیا ۔