لاہور۔ پاکستا ن مسلم لیگ ن اوورسیز کے مرکزی سیکرٹری جنرل شیخ قیصرمحمود نے کہا ہے کہ بھارت کی طرف سے پاکستان کے پانی کی بندش پرحکمرانوں کی زبان بندی شرمناک ہے۔کیا حکمرانوں کو اس دن کا انتظار ہے جب دریاﺅں میںپانی کی ایک بوند نہیں رہے گی اورخدانخواستہ پاکستان صومالیہ بن جائے گا ۔ حکمرانوں کوبھارت کی بدترین آبی جارحیت سے پاکستان کی معیشت اورزراعت کیلئے پیدا ہونیوالے خطرات کااندازہ نہیںہے۔پاکستان ایک زرعی ملک ہے اوردریاﺅں میںپانی نہ آنے سے ہمارے لہلہاتے ہوئے زرخیز کھیت کھلیان بنجر ہوجائیں گے۔اپنے ایک بیان میں شیخ قیصر محمود نے مزید کہا کہ پانی کی بندش کے حوالے سے محض اسمبلیوں میں قراردادیں پاس کرنے سے کچھ نہیں ہوگا،بھارت تو اقوام متحدہ کی قراردادوں کی پرواہ نہیں کرتاتوکیا پاکستان کی اسمبلیوں کی قراردادوں سے اس کاسویاہواضمیر جاگ جائے گا۔بھارت کوپاکستان کے سترہ کروڑانسانوں کی زندگیاںداﺅپرلگانے کی اجازت نہیں دی جاسکتی ۔انہوں نے کہا کہ بھارت سرکارکاجنونی اورمتعصبانہ رویہ انتہاپسندی کے زمرے میں آتا ہے ۔انسانی حقوق کاعلمبردار مغرب اوراس کا انسان دوست میڈیا بھارت کی آبی جارحیت پرکیوں خاموش ہے ۔انہوں نے کہا کہ پاکستان کواپنے کھیت کھیتوں کوسیراب کرنے والے پانی کی بحالی کیلئے مقتدر قوتوں کی مددسے بھارت پردباﺅبڑھاناچاہئے ۔