۵فروری بروز جمعہ ٹوکیو شنجیکو پاپیرا ریسٹورینٹ میں پاکستان مسلم لیگ (ن) جاپان کے میڈیا ایڈوائزر شیخ فیاض حسین نے جاپان کے صوبے سائتاماکے مسلم لیگی رہنماﺅں میاں ندیم ،راجہ عتیق،چوہدری ارشاد عرف روبی،ملک سلیم،عبیداللہ بٹ اور رضا ،یوکوہاما سے مسلم لیگ (ن) جاپان کے رہنماءحافظ مہر شمس اور شی زوکا پریفیکچر کے ناصر چیمہ کے اعزاز میں ایک شاندار عشائیہ کا اہتمام کیا ۔اس عشائیے میں پاکستان مسلم لیگ(ن )کے بین الاقوامی امور کے سیکرٹری جنرل اور جاپا ن کے صدر شیخ قیصر محمود اور جاپان کے مرکزی سینئیرنائب صدر ملک نور محمد اعوان نے خصوصی شرکت کی۔عشائیے کے دوران پاکستان کی موجودہ سیاسی اور انتظامی صورت حال پر تبادلہ خیال کیاگیا اور جاپان میں پاکستان مسلم لیگ(ن)کی تنظیم سازی کے حوالے سے غوروخوض کیاگیا۔شیخ قیصر محمود نے سائتاما پریفیکچر سے تشریف لائے ہوئے مسلم لیگی دوستوں کی پارٹی کے لیے خدمات کو سراہا اور ان کے جذبے کی تعریف کی۔پاکستان مسلم لیگ (ن) جاپان کے مرکزی سینئیرنائب صدر ملک نور محمد اعوان نے پیغام دیتے ہوئے کہا کہ ہم سب مسلمان ہونے کے ساتھ پاکستانی اور پاکستان مسلم لیگ(ن) کے جانثار ہیں ،وقت چاہے مشکل ہو یا آسان،آزمائش ہو یا امتحان ہم سب نے ہمیشہ ثابت قدم رہنا ہے اور اپنے قائد میاں محمد نواز شریف اور میاں محمد شہباز شریف کی قیادت میں ان کی طاقت بن کر اپنے ملک پاکستان کی بہتری اور فلاح کے لیے کسی بھی قربانی سے دریغ نہیں کریں گے۔سائتاما پریفیکچر سے تشریف لائے میاں ندیم ،راجہ عتیق،چوہدری ارشاد عرف روبی،ملک سلیم،عبیدا للہ بٹ اور رضا نے میاں محمد نواز شریف اور میاں محمد شہباز شریف کو پاکستان کا سرمایہ قرار دیااور جاپان میں شیخ قیصر محمود کی قیادت میں پاکستان مسلم لیگ (ن)کو مزید فعال کرنے میں اپنی خدمات کو پیش کیا۔آخر میں شیخ فیاض حسین نے تمام مہمانوں کا شکریہ ادا کیا۔