لاہور۔ وزیراعلیٰ پنجاب کے معاون خصوصی وممبر قومی اسمبلی ملک محمدافضل کھوکھر نے کہا ہے کہ فوجی آمر کی وردی اتروانے میں مسلم لیگ ن نے کلیدی کرداراداکیا۔ باوردی آمرپرویز مشرف نے اپنے دورآمریت کے دوران سب سے زیادہ مسلم لیگ (ن) کی قیادت کوسیاسی انتقام کانشانہ بنایا تھا۔آئین ،جمہوریت ،معزول ججوں اورعدلیہ کی بحالی کیلئے مسلم لیگ (ن) کی جدوجہد اورقربانیوں کوفراموش نہیں کیا جاسکتا ۔معزول ججوں کی بحالی کیلئے میاں نوازشریف کی قیادت میں مسلم لیگ (ن)کالانگ مارچ تاریخ کاروشن باب ہے۔جوہرٹاﺅن میںایک اجتما ع سے خطاب کرتے ہوئے ملک محمدافضل کھوکھر نے مزید کہا کہ خادم پنجاب میاں شہبازشریف کی طرف سے غیرترقیاتی اخراجات میں کمی کرکے پندرہ ارب روپے بچانے کی تجویز قابل قدر ہے ۔پنجاب میں مسلم لیگ (ن) کی حکومت نے شروع دن سے وسائل کارخ پسماندہ آبادیوں کی طرف موڑرکھا ہے ۔انہوں نے کہا کہ میاں شہبازشریف نے فضول خرچی کی حوصلہ شکنی کیلئے شادی بیاہ میں سادگی کو فروغ دینے کیلئے ون ڈش کی پابندی پرزوردیا۔انہوں نے کہا کہ ہماراملک مقروض ہے ،ہم من حیث القوم سادگی کواپنا شعار بناکر پاکستان کابوجھ کم کرنے کے ساتھ ساتھ اسے ایک معاشی طاقت بناسکتے ہیں۔پاکستان کوایٹمی طاقت بنانے اورکشکول توڑنے کاکریڈٹ میاں نوازشریف کوجاتا ہے،ہم ان کے ویژن کی روشنی میں عوام کوریلیف دینے کیلئے کوشاں ہیں ۔انہوں نے کہا کہ مسلم لیگ (ن) پاکستان کے قومی مفادات اورعوام کی جمہوری سیاسی آزادی پرکوئی آنچ نہیں آنے دے گی ۔