لاہور۔ این اے123سے پاکستان مسلم لیگ ن کے نامزد امیدوار اور وزیراعلیٰ پنجاب کے سینئر سیاسی معاون محمد پرویز ملک نے کہا ہے کہ میں اپنے قائد میاں نوازشریف کے مشن کاعلمبردار ہوں۔ کس سے کب اور کیا کام لیا جا ئے اس بات کا فیصلہ قیادت سے بہتر کوئی نہیں کرسکتا۔اللہ تعالیٰ نے چاہاتو کامیابی کے بعدقیادت اورووٹرز کے اعتماد پرپورااتروں گا۔میں اہلیان این اے123کے بنیادی حقوق کی حفاظت اورانہیں جدید شہری سہولیات کی فراہمی کا عہد کرتا ہوں۔این اے 123کے عوام سے میرا بڑاپرانارابطہ اورواسطہ ہے ،میں اس حلقہ کے تمام بنیادی مسائل سے آگاہ اوران کے حل کیلئے پرعزم ہوں ۔مسلم لیگ (ن) عوامی مسائل کے حل کیلئے ایک ٹھوس منصوبہ بندی کے ساتھ کام کرے گی ۔این اے123میں مختلف مقامات پرعوامی اجتماعات سے خطاب کرتے ہوئے محمد پرویز ملک نے مزید کہا کہ پنجاب میں مسلم لیگ (ن) کی عوام دوست اصلاحات کے نتائج منظرعام پرآناشروع ہوگئے ہیں۔خادم پنجاب میاں شہبازشریف لاہور کے تاریخی حسن کی بحالی اورکچی آبادیوں کی تعمیروترقی کیلئے کوشاں ہیں،وہ عوام اورعوامی نمائندوں کی مدد سے لاہورکولندن اورپیرس کے ہم پلہ شہربنائیں گے۔انہوں نے کہاکہ این اے123کولاہورکاماڈل حلقہ بنانے کیلئے ترقیاتی منصوبوں کاجال بچھادیاجائے گا۔ماضی کی طرح آج بھی مسلم لیگ (ن)لاہور سمیت پورے ملک سے پسماندگی اورناخواندگی کاصفایا کرنے کیلئے کوشاں ہے ۔انہوں نے کہا کہ یہ بات ریکارڈ پرہے ،مسلم لیگ (ن) نے کسی دور میں بھی عوام کے بنیادی حقوق پرکمپرومائزنہیں کیا۔